Egbon: End SARS, End SARS saa everyday naa the same song we dey sing all this year, nigbawo gangan, when will government End SARS self, abi dem want make SARS kill us finish ni
Mazi: Egbon what are you talking about now, sometimes self you only listen to radio and read newspaper, you no dey pay attention to the news, IGP don give order… (cut in)
Egbon: Give order say make SARS dey kill us dey go abi which of the order gangan him give, cuz you are talking as if naa only you understand news pass
Mazi: At least you should let me die before you bury me now.. (cut in)
Egbon: Oya die o, cuz, i no understand you again, maybe dem don give you money too like some people, so you no fit talk true again.
Mazi: Naa you know that one o.., nobody give me money, I was only trying to let you know that the IGP has given an order, and the order naa say make SARS people no dey check people phone or do stop and search again.
Egbon: Ohhhh, so naa today IGP don dey give the order, shey you know how many times, they said SARS has been rebranded, all this thing naa only for mouth, oro enu lasan ni, these SARS people still they kill innocent Nigerians
Mazi: At least try to think about the good things that SARS has been doing for the country too, dem dey reduce kidnapping and armed robbery, don’t be too toxic or negative with your word biko
Egbon: See, Mazi, naa wetin you like you fit take your mouth talk, I don talk my own, make government END SARS before dem kill all of us..
Mazi: SARS will not kill me, naa wetin i believe be that, cuz i no dress anyhow and i no get anything wey fit make dem suspect me say i be armed robber
Egbon: Abi e maa gbo isokuso, so naa everybody wey dem dey harrass be yahoo boys bah, you better join me make we talk this thing before e reach you or your loved ones
Mazi: E no go reach me, i no do wetin go make am reach me..
Egbon: Ok oo, i hear you
Mazi: Shebi Nigeria police don do video interview with Naira Marley and promise say dem go carry out the needed change
Egbon: Abeg leave story jor, shey naa today dem don dey talk am, make dem no talk again, what Nigerians want is action not talk, talk, talk everytime.
Mazi: Egbon, at least be hopeful and positive for once.
Egbon: Not only hopeful, naa hope Uzodinma, we want action not promise or plenty English, anyways, make we see wetin go change now that IGP don talk again.
Mazi: Now you are talking, let us wait and see, meanwhile, people still dey ontop this restructuring matter..
Egbon: Even Baba Adeboye don talk say make federal government no sleep ontop the matter, he say make dem do something before the thing go turn yam pepper scatter scatter…
Mazi: Wetin federal government con talk o
Egbon: Ahhhh, you no be current man again, abi your radio don burn.
Mazi: Abeg, abeg, no insult me at all, naa simple question i ask, if you no fit answer, make you keep quiet
Egbon: Tor, federal government don talk say, nobody or group fit pressurize dem to succumb to the call for restructuring o
Mazi: Ohhh, wetin that one con mean now
Egbon: Emi omo o, i no know wetin dem mean, naa wetin dem talk i don tell you like that, so make you self fill in the gap by yourself.
Mazi: Naso you go dey hear, half half news up and down
Egbon: Shey me wey hear half news no better pass you wey no hear news at all, see before this insult get out of hands, make i con dey go, we go see later
Mazi: Take it easy now Mr News, at least e no suppose cause fight
Egbon: I no fight you, i just need to go noni, lobatan, case closed.
Mazi: Me self get weting i wan do, take care.