Egbon and Mazi

Pidgin News (212): New COVID-19 Enter Naija

Mazi: Nna ehn, this COVID-19 something don dey get as e be o, na true say new COVID-19 don enter Nigeria?

Egbon: Na so me self hear am o, i hear say NCDC Oga talk say the name of the new COVID-19 virus na B.1.2.5

Mazi: Ah, which wan be B.1 again, the normal one wey we dey fight self we never win am

Egbon: See ehn, me i don dey suspect this NCDC people o, e be like say dem dey try play us o, abi which wan be B.1.2

New COVID-19

Mazi: Taa, I no believe say NCDC dey play people, if you check am well, you go see say no be only Naija get new COVID-19 virus

Egbon: But those people dey try make sure say dem get vaccine wey dem go fit use fight the virus, why we never get vaccine?

FG Issues Warning Over Fake COVID-19 Vaccines

Mazi: I bin dey think say na January ending the vaccine wan enter naija o, but now i no sure if e go enter anytime soon

Egbon: You see, na why i dey talk say this government no dey talk true be that, and that time dem dey mention plenty billions wey dem wan take buy the vaccine

Mazi: My own na say make government do quick quick, make the vaccine enter because i don dey hear say fake vaccine don dey Naija

Egbon: No be today now, i bin think say NAFDAC don talk before before say fake vaccine dey, dem don see another one?

New Covid-19 Enter Naija
NCDC Boss, Chikwe Ihekwazu Alerts Nigerians about New COVID-19 variant in Nigeria.

Mazi: This time na federal government dey ring bell say make Naija people no go buy fake COVID-19 vaccine o

Again, Sheik Gumi Defends Bandits

Egbon: Las las, the best thing na sake make people dey careful, but wait o, you don hear anything ontop this Kagara abduction?

Mazi: The las thing wey i hear na say Niger state government still dey negotiate how dem go take collect the students back

Egbon: Hmmmm, this negotiation thing get as e be o, the thing wey still dey give me concern na this Sheik Gumi

Mazi: Why him matter dey give you concern, i bin think say him dey try talk to the bandits

Egbon: This wan don dey pass as e suppose be o, this wan wey him dey talk like say naa him be the talk talk person for bandits

Mazi: My own na say make the bandits free the people wey dem kidnap

Egbon: No be that one alone, because if dem free dem now, e possible say the bandits go still carry another people, Gumi even dey talk say bandits na peaceful people

Mazi: Na that one i no con understand again o, Egbon, come o, i hear something o

Davido Gets New Baby Mama

Egbon: Abeg gist me make i hear o

Mazi: I hear say Davido don get another baby mama, dem don reach 4 like that

Egbon: Shuuuu, another baby mama kwa, this Davido no get chill o, but that time him talk say make water carry him go if him leave Chioma

Mazi: Forget that thing, na Lori Ilo

Egbon: Ilo kor, Alo ni, na lori iro dem dey call am

Elon Musk Loses $15 Billion

Mazi: Anyhow, you sha get wetin i dey talk, na as Davido dey get baby mama, na so i see say Elon Musk loose $15 billion over the Bitcoin business wey him do

Egbon: Ahhh, that one too much o, shuuu, $15 billion, na so business dey be?

Mazi: Na so we see am o, sometimes Businessman go make plenty money, sometimes e go loss, but if he no give up, him go smile las las, make i con dey go, we go talk later

Egbon: Hmmmm, i don dey learn Business matter from the Businessman we sabi, take care

Back to top button
EveryEvery We would like to show you notifications for the latest news and updates.
Allow Notifications