Press play to listen to this article
The kain sun wey dey mama person these days, I no just understand o
Egbon wait mey I ask you something. Upon all the money wey you don dey save for the past how many years now, why you never still buy motor?
See Mazi, in life you have to prioritize and make sure that you do not indulge in liabilities that will exhilarate the extent of your…
English… I never even ask question finish o, you don dey blow am again! Egbon, you be akagum, that’s what you are!
Same to you Mazi, same to you. You don see another governmental disgraceful news?
See enh. If you speak all these your English again, I go come dey go my house
Beht why you no like my English? English is a universal language and it’s something you have to keep learning. Dey no dey learn am finish na. You see as Nassarawa state first lady no fit read her speech well for English
Na she do herself, she for read for Hausa make the media people translate am. If person no sabi speak English, e no be crime
E no be crime but a whole first lady should be able to speak good English
Abeg, make I hear word. Na this kind talk dey make me vex. You don ever see Chinese president dey speak English? Abi you see don see say they kill Spanish president because him no fit speak English?
No be say we wan kill am but…
Go hear that Bright Chimezie song ‘because of English’. Because of English una no go allow that woman rest. Anyway, na she do herself, she for just do the speech for hausa.
Mazi relax, no be me write the news na
But you one are one of those mocking her
Nawa o, because I tell you something now, I don carry gbese for my head
You know say Rochas son in law don lose to Emeka Ihedioha for Imo state
How e no go lose? Rochas no be serious person. E don do governor finish, e come say make en son in law do again. Ahn ahn, na family business?
If you ask me, who I go ask?
For say en son in law win, after that one tenor e fit say make en pikin come do again.
Na so dictatorship dey start
Omo, na so e dey start o. You no see for news say Buhari dey push for a change in the constitution to make his term 6 years
Tah, he no fit do am
He fit oo. No just underestimate that man, see as en start by making Osinbajo role useless for Aso Rock
That one na him do himself. En eye service too much
Tor, we don see am now, en eye service don open en eye. Mazi, these yahoo boys get liver o. E get one wey still dey run things from prison
Ahn ahn, wetin I just talk? He don dupe people for the amount of one million dollars
Ehn!! For how much?
One Million Dollars!
Yes ooo, from prison
Read also: Egbon Jimoh (Episode 22) Akara For Votes
Mazi, where you come dey go?
I dey come
No go do yahoo yahoo oo