Boko Haram Leader
Mazi: Egbon Egbon, ba wo ni, shey you feel that my Yoruba?
Egbon: You better pay me make I teach better Yoruba make you no go take another man language call yourself Barawo o
Mazi: Instead make you encourage me say I try, you wan discourage me, me wey I fit greet you Ba wo ni shey I no try?
Egbon: You try, but your try get K-leg, so, try again later
Mazi: You wey dey talk, shey you fit talk that Bawo ni for my dialect
Egbon: No be Otutu Oma be Ba wo ni for your dialect
Mazi: Laugh…..No be only otutu oma, naa Oma tutu you for call am, Otutu Oma naa Good morning
Egbon: At least I try small, at all at all, naa em bad pass
Mazi: The same way wey I try but you no wan talk say I try, so if you self wan understand wettin Awayu mean for my dialect, you go need pay me make I fit teach you
Egbon: Naa Joke I day o, no worry, I go teach you for free
Mazi: No wahala, you don see the latest ontop Omoyele Sowore matter, wey government carry go court?
Egbon: I never see the latest o, abeg gist me, shey government don free am
Mazi: Free Kwa, according to the update wey I see onto the matter o, Court talk say make him pay 20 Million Naira before den go fit free am
Egbon: Ahhhh, 20 million Naira, ontop wetin now, him kill person ni abi kilosele gangan
Mazi: Naso I read am for inside the News o, but wait make I ask you o, Naa wetin this Sowore do Bubu government self
Egbon: Naa that one I no understand o, the other time den accuse am say him dey plan Revolution and now demand say him gather people say make demands do we no go free, den con talk say the gathering no follow law
Mazi: But, the man self try o, the thing no day tire am, this wan wey him just dey go prison like say naa market him day go come back, Maka why
Boko Haram Leader
Egbon: Him talk say him dey try make sure say Naija better and I no see anything wey bad inside the thing wey him dey do
Mazi: Me self no talk say him do anything bad, the only thing wey dey give me concern naa how dem dey carry am go prison up and down
Egbon: My brother, naa erious matter, make we just hope say Naija go better las las
APC Advises Trump
Mazi: Naa make Naija better fit pay all of us o, wetin be the latest ontop Trump matter now
Egbon: Hmmmm, Before before, him talk say him no go follow dem go do inauguration for Joe Biden after him don talk say him accept defeat o, now, I hear say den wan impeach am
Mazi: Me self hear that one, but they e possible make den impeach am sha?
Egbon: Anything dey possible for this life o, another gist why I hear naa say APC dey give am advise (cut in…
Mazi: Advise say wetin ?
Egbon: Den talk say make him do like President Buhari wey gree say him loose election before him con later win
Mazi: For me o, naa Goodluck Jonathan him suppose copy sake of say Jonathan proof say naa gentleman politician him be
Pray For Shekau
Egbon: Tor, America go dey ok las las, shey you hear say one pastor talk say make Naija people dey Pray For Boko Haram leader, Shekau
Mazi: Laugh, I see the News o I con day wonder say naa which kind talk be that, him talk say Shekau wan repent
Egbon: Person wey don do that kind bad bad something, you con dey talk say make Naija people dey pray for am
Mazi: I wonder o, whether naa the prayer go make the people wey Boko Haram don kill come back, abi naa him go make den stop to den Pai innocent people up and down like Chicken
Egbon: Even self God no dey answer that kind prayer
Mazi: Ehn ehn, I no know say naa you be God PA o wey you take know say him no go answer
Egbon: I no be God PA, I just dey talk my mind
Mazi: Ok o, my own be say I no fit waste my prayer ontop Shekau, make I con day go, later now
Egbon: No wahala, we go see later
