Egbon and Mazi

Pidgin News (196): Wahala For Kidnappers, Rapists

Wahala For Kidnappers

Egbon: Small small i don dey see sign say Naija get still hope

Mazi: I don dey tell you since, na you no wan believe am, Naija get hope, but wait o, wetin be the sign wey you see?

Egbon: I hear say Kebbi state Governor, Atiku Bagudu don sign law say make dem kill kidnappers for the state

Mazi: Ehn ehn, that one make sense o, these kidnappers don too much

Egbon: Abi now, e never finish o, the Governor still approve law wey talk say make dem jail anybody wey rape for life

Mazi: Gbam, better Governor, i too like that law, but, i wish say Ondo state Governor don approve that kind law wey go dey kill kidnappers

Egbon: Why you talk so?

Mazi: Hmmm, my brother, e get this tory wey i see wey talk say one 20 year old lady talk say her papa don dey do plo plo with her since

Egbon: Ah, olorun Oba o, some people no get conscince at all, Baba dey sleep with him pikin, this life sha

Wahala For Kidnappers

Mazi: Na why i wish say Ondo Governor don sign that kind law, dem for put that yeye man for inside jail, make him dey there for life

Pidgin News (196): Wahala For Kidnappers, Rapists
Kebbi State Governor, Atiku Bagudu.

Egbon: I no just understand why many people get wicked mind, the worst thing na say e still get plenty people wey dey do this kind thing o

Mazi: Naa small small Baba Godey go dey expose dem, i read am for News say wife of Ondo Governor don talk say dem go torchlight the lady matter

Egbon: E better like that o, make Justice fit prevail, make other people wey dey do that kind thing fit learn lesson

Mazi: If Justice fit dey this country, everything go dey ok

Egbon: But wait o, we no even dey hear from Chief Justice of Nigeria since that time wey dem talk say him go Dubai sake of COVID-19

Mazi: Na true o, we no even know if him too don go collect vaccine like Atiku dem

Egbon: E possible make him don go collect the thing o, na only poor man pikin dey wait make the thing reach Naija

Mazi: Na why i dey always talk say make people make sure say dem do the thing wey no go make dem carry the virus

Egbon: Naso o, i even hear say PTF don dey consider to announce Total lockdown for some states o

Mazi: You see, i hope say dem no mention Abuja among the state where dem wan do the lockdown

Egbon: My brother, na Abuja dey top the list, Lagos plus plateau con follow join

Mazi: Hmmm, total lockdown no be beans o, make people follow simple instruction dem no go do am

Egbon: Naso many people dey do con dey blame government, anyways na all man for himself

Mazi: You talk am well, i even see one video o

Egbon: You don see video again, oya Videographer tell me wetin dey inside the video

Mazi: Naa Businessman i be, anyways, naa two preachers dey inside the video o, dem dey try fight for Lagos

Egbon: Kilo fa fight keh, why dem wan fight, preaching no suppose cause fight now

Mazi: Naa the spot where dem wan take preach cause the fight o, make i con dey move, we go talk later

Egbon: Iwasu no suppose cause fight o, take care

Arakunrin Akeredolu
Back to top button
EveryEvery We would like to show you notifications for the latest news and updates.
Allow Notifications